Zo zikhlum ching tute hi chhungkaw 36 chuang awm mek a, an Zikhlum thar hi tunah dinhmunah 300qt vel an hralh chhuak tawh a ni. Kuminah hian 1000-2000 qtl vel thar an inbeisei. Zikhlum hi Ninganiah satin an hralh thin a, a phurh chhuahna kawng a chhiat avangin kartin Inrinniah kawng siamin an hnatlang an thawk thin. Vawiin pawh khan kawng siam hnatlang an thawk a, hei hi ZPM candidate chuan tlawhin thingpui inna tur Rs 5000 a hlan a ni. Cherhlun Fur Zikhlum ching association hian an Zikhlum thar hi tender system in an hralh thin a, a tir berah 1kg-ah Rs. 33 in an hralh a, a dawtah kg-ah Rs 36 a hralh leh a ni. Zikhlum rate san ber laiin Kg-ah Rs. 39 a ni a, tunah chuan kg khat Rs 29 ah a thla thla leh tawh a ni.
ZPM Candidate Pu Jejea chuan kuthnathawk ten thahnem ngai taka hna an thawh a, an tharchhuah ten man man zawkin hralh thei thin se a tha a tih thu te, hei hi ZPM chuan sorkarna an siam chuan an ngaih pawimawh hmasak ber tur a ni a ti a, thlan tlin a nih chuan tam zawk an thar theih nan te, a phurh chhuahna kawng awlsam zawk a awm theih nan te, theih tawp a chhuahpui tur thu pawh a sawi tel bawk.
Association hruaitute pawhin ZPM candidate in an hnathawhna hmun a tlawh leh thingpui inna tur sum a pe chu lawmawm an tih thu an sawi a, an thlai thar phurh chhuahna tur kawng tha chu an mamawh ber a nih pawh sawiin kum thar lamah phei chuan chhungkaw 100 vel in an bawh tawh dawn niin an sawi.
Post a Comment