August 31, 2023 (Rauthla) : ZPM Lai District Hqrs ; Lawngtlai chuan nimin khan an Party Office Lawngtlai Bazar-ah VC bye-election neih zawh taka hlawhtlinna changte lawmpuina leh vanduaitate fuihna hun an hmang a. He hun hi Pu C. Lalneihkhuma, Adviser in a kaihruai a ni.

He huna thusawitu ZPM Lai District Hqrs ; Lawngtlai President Pu MC Lalramchhana chuan hlawhtlinna changte lawmpui thusawiin, hlawhtlinna changte a lawmpui thu sawiin, hlawhtlinna chang zo ta lo te pawh party tana mellung pawimawh tak phuntu an nih thu a sawi a. 'Opposition aṭanga huaisen taka party tana ke an lo penchhuak chu ZPM party tan thil lawmawm tak a ni a, eng chen pawh thleng se, party tan hmasawnna ropui tak a ni' a ti.

Lawngtlai East bial ZPM candidate Dr. Lorrain Lalpekliana Chinzah chuan ZPM party-ah mi zawng zawng tan hmun a awm thu sawiin, 'ka zavai ta, a neitu vek kan ni" a ti a. 'ZPM party chu kan hma hun a eng a, ram tana thawhpui tur pawh Pathianin rem a tih chuan kan hma lawkah khian party dang atangin tam tak an awm ka beisei, a ti.

Lawngtlai West biala ZPM candidate Pu Lalnunsema chuan ZPM party chu Pathian leh hotute thawhrimna zarah sawrkarna siamtir turin mipuite an inpeih tawh thu leh, sum thiltihtheihna khenbehin a awm mek thu a sawi a. 'Kum 2023-ah mipui sawrkar, langtlang sawrkar apiang ngei ngei dawn a, chumi ṭawmpui turin ate ber aṭanga a lian ber thlengin mipuite ka sawm che u a ni' a ti.

He hunah hian VC bye-election neih zawh taka VC Member thlan thar hnenah Lawmpuina pangpar hlan a ni a. Pu Lalzirtluanga, Secretary hnen aṭangin District Campaign Committee report ngaihthlak niin, Pu C. Lalnunpuia, General Secretary in lawmthu sawina a nei bawk.

Post a Comment

Powered by Blogger.