August 1, 2023 : Vawiina Mizoram sawrkar, I&PR-in thuchhuah an siamah Lok Sabha leh Rajya Sabha neih zawh taka pawm tak The Forest Conservation Ammendment Bill 2023 chu Mizoram MP ten an thlawp lo tih an tarlang.
Mizoram MP te pahnih C. Lalrosanga leh K. Vanlalvena te hian July 31 khan Union Home Secretary Ajay Kumar Bhalla IAS chu a office chamber-ah kawmin Mizoram tana thil pawimawh te an sawipui, an thu thlen te a rang thei anga bera Home Minister lo sawipui a tum thu a lo hrilh.
MP te chuan Chief Minister Zoramthangan Manipur raltlan Mizorama lo lut te chhawmdawlna tura sum leh pai a lo dil tawh tun thlenga pek la ni lo chu a hmanmawh thlak tawh thu leh a rang thei ang bera tihfel a nih theih nan Home Secretary chu hma la turin an duh thu an thlen a.
Aizawl Lammuala Laldenga Cultural Centre dinna tura Mizoram sawrkarin lungphum phum a duh tawh thu pawh hrilhin hemi atan hian Home Ministry in No-Objection certificate a pek thuai a tul thu an sawi bawk.
MP pahnih ten Union Home Secretary an kawmna chuchang an ziahna hnuaiah hian, 'Mizoram MP te pahnih hian The Forest Conservation Ammendment Bill chu an thlawp lo ve ve a ni,' tih hi an tarlang tel a ni.
Post a Comment