August 18, 2023, Lawngtlai : Lawngtlai District Programme Officer (Women & Child Development) hnuaia Mission Shakti leh Lead Bank Office, Lawngtlai te ṭang kawp huaihawtin vawiin khan BDO Conference Hall, Lawngtlaiah Financial Literacy Campaign cum Awareness on Beti Bachao Beti Padhao (BBBP), Pradhan Mantri Matru Vandhana Yojana (PMMVY) & domestic violence buatsaih a ni.


He hun hi Lawngtlai DPO (WCD) Office-a Assistant Pu V. Vanlaldingliana'n kaihruaiin, programme huaihawt chhan leh kal khawmte lawmna thu a sawi a. Pu Z. Laldinhuala, Specialist in Financial Literacy (SFL) under Mission Shakti-in BBBP leh PMMVY 2.0 chungchang a sawi fiah a. Pu JM Soren, Lead District Manager, SBI Lead Bank Office, Lawngtlaiin financial literacy chungchang sawiin, Pu C. Lalrinfela, Legal Aid Counsel, District Legal Services Authority, Lawngtlaiin inchhungkhura hleilenna thleng thei (domestic violence) chungchanga hriat tur pawimawh leh himna tur dan pawimawh tak tak bakah, case kalpui dan te leh tuartute tana One Stop Centre leh Mission Shakti hnuaia Protection Officer-te hnenah an harsatna thlen theih reng a nih thu te, anniin a ṭul anga police leh court thlenga hma an laksak zel theih thu te a sawi a. Zawhna leh chhanna leh sawi hona hun hman ho ni bawkin, Pi F. Lalengvari, District Mission Coordinator, Mission Shakti chuan lawm thu sawiin hun a khar a ni.

He hunah hian Lawngtlai khawpui chhunga anganwadi worker-te, angawadi helper-te leh DAY-NULM hnuaia self help group-te sawm an ni a. Mi 81 an kal khawm a ni.

Post a Comment

Powered by Blogger.