August 1, 2023 : Kaladan Multi Modal Transit Transport Project in a tihchhiat ram neitu intelkhawm, Lawngtlai District Land Owner's Association (LDLOA) chuan sorkar atanga Zangnadawmna an hmuh theih loh avanga thuneitute an nawrna kal mekah vawiin atang khan tiamchin awm lovin Mizoram Sorkar hnuaia Dy. Conservator of Forest, Chhimtuipui Wildlife Division Office a thawktute Pisa kai tur an dang.
Lawngtlai District Land Owners Association President Pu T. Zatlunga chuan KMMTTP kawngpui Kilometres 88 a thuiah State Sorkar Environment, Forest & Climate Change Department chuan Kilometres 80 vel zel chu an ram angin an chhal tih sawiin, hei hi a diklo tih Guwahati High Court pawhin tichiang tawhin, ACB lam pawn an lo chhuichian tawh thu a sawi a. Ram neitu dik tak mi 138 te ram Mizoram Sorkar hnuaia Forest Department in a chuhpui tlat chu hriatthiam theih a ni lo tih sawiin, Ministry of Road Transport and Highway ah Forest Department hian an ram anga an lo hauh ngawt a dik lo tih High Court a tih chian tawh chu hauh lui zel lovin thil awmdan chiang taka hrilhin Clearance a pek thuai an phut tlat tih a sawi.
Vawiina KMMTTP a ram neitu intelkhawm ten Lawngtlaia State Sorkar hnuaia Forest Office an dannaah hian Magistrate leh Police te an duty a, Office kai luih tum an awm lova, boruak duhawm lo thleng hriattur a awm lo a ni.
Post a Comment