Aizawl July 25, 2023: NGO Co-ordination Committee hruaitute hian Manipur Zohnahthlakte thlavang hauh kawngzawh neih anih hnuah Raj Bhavan-ah Larsap Dr Hari Babu Kambhampati an hmu a. Prime Minister Narendra Modi hnena thawn tur lehkhathawn- Prayer for Restoration of Peace and Harmony in Manipur chu an thehlut.
NGO Coordination Committee in Prime Minister hnena lehkha an thawnah hian thenawm state Manipur-a buaina kal mekte ngaihtuahin, NGO intelkhawmte chuan remna leh muanna siam that thuai chu tuna pawimawh ber nia an hriat thu an sawi. Tunah hian NGOCC (Mizoram) chuan buaina chhuak nasa state atanga tlanchhia, Mizorama inhumhimna leh inhumhimna zawng mek mi 12,000 chuang Mizoramah enkawl mek an ni tih an tarlang tel. India ram hotulu ber a nihna angin Prime Minister hnenah hian thil pawimawh bik leh rang taka chinfel ngai nia an hriat te an ziak. Heng te hi buaina lian zawk a thlen loh na tura chingfel thuai turin an ngen nghal tih an tarlang.NGO Coordination Committee lehkha-ah hian Prime Minister in uluk taka enfiah sak tura an duhlai thil pawimawh zual, thil thleng pawimawh zual, mihring nunna chan tawh zat, in chhe tawh zat, Biakin tihchhiat tawh chungchang leh harsatna thleng mek te ziah lan a ni.
Post a Comment