Eptu pawlte'n Manipur buaina chungchangah lungawi lohan lantir chhunzawm

July 31, 2023
A+ A- Print Email

 New Delhi July 31, 2023: Parliament fur thutkhawmah eptu ten Manipur tualchhung buaina chungchangah lungawilohna an lantir chhunzawm.

Lok Sabha rorel inkhawm tan a nihin, eptu party Congress, DMK, TMC leh member dangte chuan Manipur tualchhung buaina chungchangah Prime Minister Narendra Modi ngaihdan phutin, sorkar laka lungawilohna an auchhuahpui.

        Hetiang deuh bawk hian Rajya Sabha rorel inkhawmah pawh, Congress, TMC, DMK, Aam Aadmi Party leh eptu party dang ten rule 267 hnuaia House rorel tur thupui dang sawiho rih loa Manipur tualchhung buaina chungchang sawiho an ngiat a. House Leader Piyush Goyal chuan sorkar chu hemi chungchang sawiho tura a inpeih thu leh chawhnu dar 2-ah sawiho a ni ang a ti a. Eptute chu thudik hre duh loa sawihona tlanchhiat sanah a puh bawk a ni.

Post a Comment

Subscribe to: Post Comments (Atom)
Powered by Blogger.