July 12, 2023, Cheural : Lawngtlai District-a Sangau khaw bul Cheural khuaah vawiin khan Tv. Lalsangliana, kum 23, S/o F. Pahlira chu Cheurala mi in sa a an inhlawhfaknaah current-in manin a boral.
Lalsangliana leh a thiante hi mi inah inhlawhin, grinder-hmangin insakna Rod lawr te chu an tan bung a, current hi inneitute luahlai inhnuai ber atangin current lakchhawnna extention chord hmangin an la a. Lalsangliana hian extention chord chu zakzehin, vanduaithlak takin extension chord a zak zeh atanga current leak chuan aman a. Extension Chord atanga Current leak in aman hian inneitu nu chuan rang takin current hi plug atangin a lo off sak nghal a, mahse current hian Lalsangliana hi a lo shock na hman hle tawh bakah current in aman avanga atlukna lamah a chal leh bek inkar chu a tauh bawk niin a hna thawhpui a ṭhiante chuan an sawi a ni.
Lalsangliana hi rang takin Sangau Damdawiin (PHC) panpui nghal nimahse vanduaithlaktakin a nunna an chhan hman ta lo a ni. Aruang hi naktukah Cheural thlanmual ah vuiliam a ni ang.
Lalsangliana te chhungkuas hi member panga an ni a, LIKBK Kohhrna lawi an ni.
Post a Comment