July 12, 2023, Lawngtlai : Lai District Congress Committee chuan vawiin khan Areopagy, Lawngtlai ah Uniform Civil Code dodalna hun an huaihawt.
Lawngtlaia Uniform Civil Code dodalna huaihawtnaah hian Uniform Civil Code chu Hindu sakhaw zuitura thiam taka innawrluihna hmanrua a nih thju leh India rama hnam tlem zawk leh Hindu ni lo Sakhaw dangte tan chuan UCC chu thil hlauhawm tak a nih thu a sawi. UCC hi Parliament ah pass a nih chuan kan hnam dan leh inrelbawlna neih ve te chu kan hmang thei dawn lova, India ram pumah dan pakhat kan hman tur ruahman chu kan zawm vek a ngai dawn a, Kristian te tan phei chuan nasa taka dodal a, kan Pathian kan auh nasat a pawimawh a ni, a ti.
Lai District Congress Committee President chuan UCC hman a nih theih nana hmalatu BJP Sorkar thawhpui chu Ram, hnam leh Sakhaw him nan thil tihchi a ni lo tih sawiin, State Sorkara rorelna chang mektu te pawn BJP an thawhpuina hi ram hmangaihna atangin hnuh kir se an ngen tih a sawi a, Parliament in pass mahse, North East India ah hman a ni ve dawn lo tia insawi thlamuan chu thiam taka he dan hnuaia inhnuhluhna hmanrua mai a ni, a ti bawk.
Vawiina Lawngtlaia UCC dodalna lantirnaah hian Central Sorkarin UCC hman a nih theih nana hmalakna a kalpui chu sut tura an duh thu Resolution siamin an passed.
Post a Comment