June 25, 2023, Sangau : Lai Students' Association Sub-Hqrs, Sangau chuan LSA Gov't Blue Mountain High School, Sangau Branch ten Gov't Blue Mountain High School, Sangau headmaster Pu K. Denghmingliana sawn chuah duh lohna lungawilohna lantir an tum chu an thlawp tih sawiin, headmaster thar Pu K. Suiawra chu an duh loh vang ni lovin, he school-a post ruak tam tak hnawhkhah ni si lova, a awmsa sawn chhuah a ni chu an hriatthiam loh thu vawiin khan thuchhuah siamin an sawi.
LSA Sub-Hqrs, Sangau chuan tuna heasmaster Pu K. Denghmingliana, Mathematics teacher chu sorkarin a sawn lui a nih chuan he school a chhuahsan hma ngeiin Mathematics teacher hnawhkhah sak turin sorkar an phut thu an sawi a, Gov't Blue Mountain High School, Sangau hi exam center a nih angin post ruak heng; LDC, 4th Grade, Mizo teacher te chu dahsak turin sorkar an phut tih an sawi bawk.
LSA Sub-Hqrs, Sangau chuan an thilphutte tihhlawhtlin sak an nih lova, June thla chhunga hmalakna a awm loh chuan he school-a headmaster joining report pe tur chu dan chhunzawm zel an tum tih sawiin, sikul naupang te chu sit-in demonstration neih pui an tum thu an sawi bawk.
LSA Sub-Hqrs, Sangau chuan he thil thleng hian Blue Mountain High School, Sangau zirlaite zirna lamah nghawng lian tak a neih dawn avangin sit-in demonstration an nei tur chu na an tih thu sawiin, a thilphutte a hmalam tihhlawhtlin sak turin sorkar an phut tih an sawi.
Post a Comment