June 15, 2023 (Rauthla) : Kum danga an lo tih thin angin Lawngtlai District MJA te chuan vawiin khan Green MJA Day an hmang a, thingphun beihpui thlak a State Sorkar leh LADC Sorkarin Lawngtlai leh Mampui inkara thing an lo phun tawh te samfai leh thawmthat ngaite thawmthain District MJA Member te an thawk chhuak.
Lawngtlai District MJA te chuan Green MJA Day chu thinphun leh enkawlzuinaah midangte kaiharha zirtirtu a nih beiseia hmang thin an nih thu an sawi a. Thingphun uar kawnga sorkar leh pawl a thangharh mek chu lawmawm an tih thu an sawi a, thingphun mai duh tawk lova, a enkawl zuina kawngah pawh kan thanharh chhoh zel an beisei thu an sawi. Lawngtlai District MJA te chuan te hmasawnna hnathawhin kan rama ramngaw, nungcha leh luidung a tichhe nasa lutuk chu veiawm an tih thu an sawi a, hemi nghawng hi kan tuar chho mek a, awmze nei zawka hmasawnna hnathawh nise an duh thu sawiin, thingphun leh a enkawl hi kan ram siamthatna atana peng pawimawh tak pakhat a ni, an ti.
Lai Autonomous District Council a Environment, Forest & Climate Change Department ten kum tina thingphun beihpui an thlak thin leh a enkawlzui hna an thawk thin chu lawmawm an tih thu leh phun tam aiin phun ang ang enkawl puitlin chuan awmzia a neih zawk thu Lawngtlai District MJA te chuan an sawi.
Post a Comment