June 2, 2023 (Rauthla) : Kum dang ang bawkin vawiin khan Green LADC Day hman a ni a, KMMTP Road-ah thing tiak 366 phun a ni.
Thingphun hma inkhawm tawi buatsaih Pu H. Lalruatkima, Executive Secretary LADC kaihhruaiah Pu V. Zirsanga, CEM LADC chuan Green LADC Day chu kum 2015 June atanga hman a nih thute, thing phun tawh zawng zawng chu 2406 a nih thu leh, heta thingphunte hi Forest Department, LADC Nursery a mi vek a nih thu a sawi.
LADC a Environment Forest & Climate Change department changtu Pu V. Zirsanga, CEM chuan "vawiina kan thil tih hi mihring nunna nen inzawm tlat thil a ni tih hria ila, khawvel hmasawnna leh changkanna hian thil tha tam tak a rawn thlen rualin thildang tam tak ken tel a nei ve zel bawk a, kan ramngaw leh lui tuite a lo chereu nasa ta hle a, khawlum avangin kan tuihna te a lo tlem ve zel bawk nen, kan ramngawte, nungchate leh tuite hi kan humhalh loh chuan harsatna tam tak kan tawk chho zel dawn a, theihtawp chhuaha kan humhalha tan kan lak loh chuan kan tu leh fate tan chenna tlak lovah kan siam mai ang tih a hlauhawm hle a ni" a ti a. Thingphun te chu a puitlin ngei theihna tura enkawl chhunzawm a tul thu a sawi bawk.
Pu K. Lalromawia, DCCF LADC tarlan danin, Green LADC Day Committee chu Dt. 1st August, 2014. khan din ani a, June 2015 atangin thing phun tan niin, thingtiak hi vawiina phun 366 nen, avaiin tiak 2772 phun a ni tawh. Thingphun te chu enkawl chhunzawm zel niin, thi te awm thin mahse a thara thlak zel a ni. Thingtiak hi chi hrang hrang phun thin a ni a, thingphun enkawl thate hnenah lawmman tha tak siam a ni dawn bawk a ni.
He inkhawmah hian Rev. K. Lalchamliana, Chairman LIKBK Central Thalai Pawlin hunserh a hmang a, thinphun hmain thutiam sawirualna hun hman a ni bawk.
Post a Comment