June 13, 2023 (Rauthla) : Cricket Association of Mizoram buatsaih 2nd Inter District Crickect tournament chu vawiin khan Thuamluaia Field, Lungleiah khelh tan a ni a, he tournament-ah hian Lawngtlai Cricket Association te pawh an tel.
Lawngtlai DCA hian vawiin khan a thlengtu Lunglei DCA chu wicket 3 a hnehin, Lunglei DCA hian bat hmasain, over 18.5 ah out vekin run 94 an siam a, Lawngtlai DCA hian umin over 15.1 ah wicket 7 hlohin, run 96 siamin an chak ta a ni. Lawngtlai DCA hian naktukah Saitual DCA an tum leh ang. Vawiin inkhelah hian Lawngtlai DCA player Aadhar Chakma chu Player of the match a ni a, a ni hian over 3.5 ah wicket 5 a la.
Lawngtlai District Cricket Association team te hi Pool 'A' ah awmin, champion lai Kolasib DCA, Saitual DCA leh Lunglei DCA te nan an awmho a, Pool 'B' ah Champhai DCA, Serchhip DCA leh Siaha DCA te an awm bawk.
2nd Inter District Crickect tournament hi league match a khelh niin, Pool 'A' leh Pool 'B' winner te hian June 17, 2023 ah final an khel ang.
Post a Comment