May 3, 2023 (Rauthla) : Mizo zinga music-a sulsutu leh Musician lar, Albatross keyboardist PB Lianhminga chu tukin zing (May 3, 2023) dar 4:25 khan Aizawl Hospital-ah a boral. PB. Lianhminga hi zaithiam Rebecca Saimawii nau a ni.
PB. Lianhminga (50) hian a nupui Pi Lalnunpuii leh a fate pathum bakah a tute pali a kalsan a, vawiinah Dawrpui Vengthar Presbyterian Kohhran Centenary Hall-ah vui a ni ang.
An unau hi paruk niin, Rebecca Saimawii, Rallianchhungi (Tetei), PB Lianzuali, PB Liansangzuala, PB Lianhminga leh PB Lianmawia (Atea) te an ni.
PB Lianhminga te unau hi Mizo Rimawi khawvela mite hriat hlawh leh zai leh music-a thawhhlawk tak mai an ni a, an upa ber Rebecca Saimawii chu a hunlaia Mizo zaimi lar ber leh tun thlenga la chuai thei lo a ni a. A u chiah PB Liansangzuala hi Magdalene member a ni a, an naupang ber PB Lianmawia hi Mizo band lar Boomerang vocalist a ni bawk. A pa PB Liantluanga hi Mizo musician leh 'Phuloh lenmawi' tih phuahtu a ni.
Post a Comment