Lawngtlai, May 12, 2023 : MHIP Sub-Hqrs. Lawngtlai chuan vawiin Bangladesh atanga an sahimna zawnga Lawngtlai District a lo lutte tanpuina, Lawngtlai DC leh Executive Secretary Baptist Church of Mizoram, Lawngtlai Area hnen ah an hlan.
MHIP General Hqrs. in Bangladesh raltlante tanpuina atana a ruahman Rs.1,53,130/- chu MHIP Sub-Hqrs. Lawngtlai hruaituten Lawngtlai Bawrhsap Pu David Lalthantluanga hnen ah an hlan a. MHIP Sub-Hqrs. Lawngtlai te hian Bangladesh raltlante tanpui nana an lakkhawm pawisa fai Rs. 60,000/- bakah Mutbu, Thawmhnaw leh eitur lam chi thahnem tak chu Executive Secretary, BCM, Lawngtlai Area, Rev. Dr H. Lalthlanuama kutah an hlan bawk a ni.
Tundinhmun ah Bangladesh raltlan, Lawngtlai District chhungah Sorkarin a chhinchhiah danin mi 598 an awm mek a, Sorkar in a la chhinchiahfelloh te nen chuan 700 vel awm mek a ngaih niin, Myanmar raltlan mi-5700 vel an awm mek bawk a ni.
Post a Comment