May 9, 2023 (Rauthla) : MHIP chuan Manipur state buaina chhuak kara Hmeichhia leh Naupang te dinhmun tha lo tak chungchang Mizoram Goveror sawipuiin, chak zawka hma lak a nih theih nan India Present leh Central Sawrkar nawr turin an ngen.

MHIP in vawiin Bhavan-a Governor Dr Hari Babu Kambhampati an hmuh hian MHIP hotute chuan Governor hnenah hian Lehkha an theh lut a. President hnena an lehkhathawn pawh Governor hnenah hian theh lutin President hmuh tura thlensak turin an ngen nghal a ni. MHIP te chuan an lehkha thehluhah hian Manipur state a buaina chhuak chu pawi a ti a, he buaina chhuak karah Hmeichhiate leh Naupang pawisawi lo ten kut an tuar chu an dem a, a rang thei ang bera boruak ralmuang siam thuai turin central leh state sawrkar thuneitute an ngen a ni.

Governor nena inkawmnaah hian Pi Ngurmawii Sailo, President, Pi Lalliani, General Secretary, Pi K. Lalliantluangi, Treasurer, Pi Lalhmangaihi, ECM leh Prof Zokaitluangi, ECM te an tel a ni.

Post a Comment

Powered by Blogger.