May 9, 2023 (Rauthla) : Nizan khan Paris khawpuiah sports huang chhunga mimal ang leh team anga kum kaltaa che tha te hnenah Laureus Sport Awards sem a ni a, category hrang hrang zinga ngaihhlut hlawh ber Laureus Sportsman of the Year award chu Argentina leh PSG star Lionel Messi hnenah hlan a ni. Lionel Messi hian he lawmman hi kum 2020 pawh khan a lo dawng tawh a ni.
Argentine star Lionel Messi hian nikum World Cup-ah Argentina chu a champion pui a, an champion theihna kawngah Messi hian goal 7 a khung a, Golden Ball lawmman a dawng bawk. Nikum khan PSG chu Ligue 1 ah champion puiin, goal 7 khungin, assist vawi 14 a nei bawk.
Lionel Messi chuan "He lawmman hi ka tan a hlu em em a, he lawmman hi kuminah Paris khawpuiah sem a nih avangin hlu ka ti zual a, he khawpui hian helai hmuna ka lo luh khan ka chhungkuaiin min lo lawm em em a ni" a ti. "National team-a ka khelhpuite chauh ni lovin PSG a ka khelhpui te chungah pawh lawmthu ka sawi a, he chawimawina hi keimah chauha dawng thei ka ni lo" a ti bawk.
Denmark leh Manchester United midfielder Christian Eriksen hnenah Laureus World Comeback of the Year Award hlan a ni a. Kum 2022 Euro khan Eriksen hi Finland nen an inkhelh tumin field chhungah a tlu a, thichhawngin a awm. Team doctor Morten Boesen chuan lungphawchawl avanga tlu niin a sawi. Kum kjhat leh a chanve dawn inkhel lova a awm hnuin, Odense-ah mimal training a nei chho tan a, January 31, 2022 khan Premier Club Brentford chuan thla ruk chhung atan an lalut. July 15, 2022 khan Manchester United chuan kum 3 chhung atan an lalut veleh bawk.
World Breakthrough of the Year Award chu tennis world number two Carlos Alcaraz hnenah hlan a ni a, kum 19 mi Alcaraz hi US Open champion niin, tennis world number one ni thei naupang ber a lo ni tawh bawk.
Full awards list
Laureus World Sportsman of the Year award : Lionel MessiLaureus World Sportswoman of the Year award : Shelly-Ann Fraser-Pryce
Laureus World Team of the Year award : Argentina men's football team
Laureus World Breakthrough of the Year award : Carlos Alcaraz
Laureus World Comeback of the Year award : Christian Eriksen
Laureus World Sportsperson of the Year with a Disability award : Catherine Debrunner
Laureus World Action Sportsperson of the Year award : Eileen Gu
Laureus Sport for Good award : TeamUp
Post a Comment