May 31, 2023 (Rauthla) : Lai Autonomous District Council-a Social Welfare department changtu EM Pu JB. Vanhoy chuan vawiin khan Lairam Motherless Home, College veng Lawngtlai tlawhin, tanpuina Rs. 20,000 (Singhnih) a hlan.
Pu JB. Vanhoy chuan Pu V. Zirsanga, CEM LADC kaihhruai sorkar chuan, Lairam Motherless Home a ngaih pawimawh thu sawiin, kum tin tanpuina tur, Financial Assistance to Motherless Babies tih chu Budget-ah dahin, he Home hi tanpuina pek thin a nih thu a sawi a. Thawktute hnenah thusawiin, "Naupang chanhaite hmangaih leh duat taka in enkawlna hi a thlawn lovang, Pathian hruaina leh awmpuina in chan zel theih nan duhsakna ka hlan che u a ni" a ti.
He hun hmanna hi Pu David C. Zothantluanga Social Welfare Department Officer, LADC chuan kaihruaiin, LMH a thawktute chuan LADC Sorkarin min ngaihsakin kan mamawhna hrang hrangah min tuam hlawm thin hi kan lawm hle a, thinlung takin lawmthu kan sawi tak meuh a ni, an ti.
Post a Comment