May 31, 2023 (Rauthla) : Aizawl District Court-a Special Judge (POCSO Act) Vanlalenmawia chuan a fanu kum 14 mi pawngsuala vawi tam tak chetsualpui thintu kum 46 mi chu kum 12 chhung hrehawm taka jail-a tang turin leh Rs. 5,000 chawi turin a hrem.
.jpg)
Hremna hi vawiin khan puangin, a fanu pawngsualtu thiamloh chantir hi kum 12 chhung tang tura tih a ni a, Rs. 5,000 a pek loh chuan ni 25 chhung lung in a tan belh ang.
Tarlan tawh angin, Special Judge (POCSO Act) Aizawl District Court chuan May 29 khan thiamloh a lo chan tir tawh a. Court thuchhuak tarlan a nih danin, a Pa hian a fanu kum 14 mi chu ni kum 2013 Aug ni 5 khan ramhnuaia an thing phurhnaah a pawngsual a, a hnuah raiin September 2015 khan a fanu hian a pa fa hi a hring a ni. A pa hian kum 2018 thleng khan a fanu hi a pawngsual thin a, a pawngsual hnuhnun ber chu August 2018 nia hriat a ni. Hemi kum November ni 22 khan a nu in Saitual Police Station-ah FIR a thehlutin thubuai siam sak a ni a, vawiin khan Special Judge (POCSO Act) leh District and Session Judge ni bawk Pu Vanlalenmawia chuan thuhretute a koh hnuin thiamloh a chan tir a, a tan ni atangin bail phal a ni lo.
Post a Comment