May 10, 2023 (Rauthla) : FIFA World Cup vawi nga khel thei hmasa ber Mexcian goalkeeper Antonio Carbajal chu nimin khan thisen sang avangin kum 93 mi niin a boral.

La Tota tia hriat lar Antonio Carbajal hi Brazil 1950, Switzerland 1954, Sweden 1958, Chile 1962 leg England 1966 Wolrd Cup-ah te a inlan a, kum 1998 a Germany player Lothar Matthaus-an a nih rual hma zawng kum 32 chhung chu World Cup vawi nga khel awmchhun a ni.

Mexican goalkeeper hian an khaw club Club España-ah bultanin, he club tan hian vawi 45 a inlan. Hemi hnu hian Mecican club tho León a zawm leh a. He c;lub tan hian vawi 364 a inlan a, kum 1966 khan football khelh a chawlhsan. Ram tan vawi 48 a inlan bawk. World Cup match a khelh zawng zawng hi match 11 a ni.

Football khelh a chawlhsan hnu hian kum 1995 thleng khan coach hna a thawk a, club pali a enkawl a, Mexico assistant coach a ni tawh bawk.

Fifa president Gianni Infantino chuan "Antonio Carbajal thih thu hian min thawng em em a, a ni kha Fifa World Cup vawi nga khel thei hmasa ber a ni" a ti a. A chhungte leh Mexico mipui amah tantute a tawrhpui thu a sawi bawk.

Post a Comment

Powered by Blogger.