May 12, 2023 (Rauthla) : 15-Rengkashya MDC Constituency, Chakma Autonomous District Council (CADC) huam chhunga MDC Election laia mipuite an him tlan zawk nan leh harsatna hrang hrang an tawh loh nana May ni 5 aṭanga May ni 10 thlenga zan curfew a lo puan tawh chu Chawngte Sub-Divisional Magistrate Pu Lalneihthanga Colney chuan Dt. 11.05.2023 aṭanga Dt. 20.05.2023 thleng a huam turin curfew hi a puan chhunzawm.
Chawngte Sub-Divisional Magistrate Pu Lalneihthanga Colney hian nimin khan CrPC 1973 Section 144-na tlawh chhanin curfew hi a puan chhunzawm a, curfew chhung hian 15-Rengkashya MDC Constituency, CADC huam chhungah Dt. 11/05/2023 aṭang hian zan dar 7:00 PM aṭanga zing dar 4:00 AM inkarah tu mah pawn chhuah phal a ni lova, Hei hian Dan leh Thupek kengkawhtu leh Magistrate-ina phalna a pekte a huam lo vang a, thupek bawhchhetute chu Sec. 188 IPC hmangin hrem theih a ni.
Post a Comment