May 25, 2023 (Rauthla) : Vawiin khan CADC Art & Culture Hall, Kamalanagar-ah Pu Rasik Mohan Chakma chu 11th CADC Chief Executive Member (CEM) a tan lakluh a ni.

May 23, 2023 khan CADC Session Hall-ah CADC inthlanna neih zawh taka MDC tling tharte chu Protem Chairman Pu Hiranand Tongchangya hmaah rinawmna thutiam tira lakluh an ni a. Vawiin khan 11th CADC Chief Executive Member (CEM) atan Pu Rasik Mohan Chakma chu Lawngtlai DC Pu David Lalthantluanga IAS aiawhin, Addl. DC Pu Abraham Beirazi Khithie MCS in rinawmna thu tiamtirin a lalut ta a ni. Pu Rasik Mohan Chakma hi CADC CEM 24-na a ni.

CEM thar Rasik Mohan Chakma chuan, CADC election neih zawh takah khan term hluia MDC hmun thuma thena hmu hnihte thlan tlin an ni lova, Hei hian mipui ten sorkar tha an duh tih a tichiang, a ti a. Mipuite hian hnathawk lo hruaitu chu thlak an hreh lo a ti bawk.

CEM chuan, MNF sorkar chu sorkar tha, sorkar hmasawn, mipui duhna tihlawhtling thin tarlanna a ni, a ti a. A sorkarin a ngaih pawimawh hmasak ber tur chu sorkar tha a nih tur thu a sawi. 

Pu Rasik Mohan Chakma hi CADC-ah MDC atana term 6 thlan tlin a nihna a ni a. CEM nihna hi ṭum 5 chelh tawhin, nihna pawimawh tak tak dang pawh a chelh tawh a. Kum 2003 MLA Inthlanpuiah khan Tuichawng bial aṭangin MLA atan thlan a lo ni tawh bawk.

Vawiina CADC CEM lakluhnaah hian political hrang hrang aiawhte, ram hruaitu hluite, NGO hrang hrang aiawhte, MDC te an tel a. Dr. Buddha Dhan Chakma, MLA pawh a tel bawk.

Post a Comment

Powered by Blogger.