Lawngtlai, April 30, 2023 : Naktuk, May 1, 2023 atangin Lawngtlaiah Two Wheeler khalhtute tan Satel Helmet kan tih ang chi chu khum phal a ni dawn tawh lova. Helmet (Protective Headgear) him leh rintlak, a siam dan leh nihphungah pawh Bureau of Indian Standards-in a pawm chin ISI Mark chuang ngei chauh khum tawh tur a ni.
Pu C. Lalruatkima, Addl. Superintendent of Police, Lawngtlai District chuan hemi chungchang hi Lawngtlai khawpuiah Traffic Police ten khauh takin an kalpui dawn tih a sawi a, dan bawhchhiate chu Vehicle amendment act 2019 angin Rs. 2000 chawi tir an nih tur thu a sawi bawk.
Superintendent of Police, Lawngtlai District chuan Lirthei ke hnih nei (Two Wheeler) khalhtu ten harsatna an tawh loh nan leh an lo in hmakhua lawk theih nan March 9, 2023 khan hriattirna a lo chhuah tawh a ni.
Post a Comment