Darlawn 23.April,2023 (Pathianni) : K.Malsawmzela(14) S/o K.Sakhawliana (L) Darlawn Vengpui chu vawiin tlai dar 4:30 khan Khanpui khaw hnuai, Hmunnghak khaw piah lawka National Highway kawng laih thar sira tui tlingah a tla hlum a, zan tir dar 6:22 velin a ruang hi hmuh a ni.

Thu a dawn danin, he lai hmunah hian Darlawn mi tleirawl thenkhat tuiah an chenga, an beisei aia tui a lo thuk avangin tuia cheng zawng zawng mi 6 te hi an in vai buai nghal vek a, harsa takin midang an in vai chhuah laiin K.Malsawmzela hi a vanduai ta a ni. K.Malsawmzela hian tuichen a thiam loh avangin tuiah hian a pil hlen ta niin thudawnna chuan a sawi.

A ruang hi he thu buatsaih lai thleng hian hmuh a la ni lo a, Tuitlinna hi kawng siamtu Company lamin kawng an siam laia an lung lakna hmun khuar niin tui hi a tling khat vek a.  Khanpui khua leh Hmunnghak mi tlawmngaite chuan tuitla zawn hna hi an thawk a ni.

Post a Comment

Powered by Blogger.