Zirtawpni a company 2022 earnings call ah VS chief financial officer Timothy Johnson chuan he thu hi sawiin VS annual show an neih thin chu tuai thar a ni leh dawn a ti a, kum in kum tawp lamah VS Fashion Show hi nei leh tura ruahman in mahse kum hmasa a an Show lo neih tawh nen chuan a danglam dawn a, Version thar hlak ang a nih tur thu a sawi tel bawk.
1995 atangin VS Fashion Show hi neih chhoh tan a ni a, khawvel huap in ngaihhlut a hlawh bakah entu pawh an thahnem thin hle. Mahsela 2018 atang VS hian buaina a tawk ta tlat mai a, former chief marketing officer Edward Razek chuan Interview a neihna ah VS Model tur in Transgender leh Plus Size Model tan hmun a awm loh thu leh thlan an nih ngai loh tur thu sawiin mitam tak huat a hlawh hle. Thenkhat in VS model leh angel te pian chungchang ah an 'size leh shape' ngai lutuk te chu a hneawm tia sawiselna mipui lamah a awm bawk. Heng sawi neuh neuh te vang hian 2018 VS Show pawh kha a hlawhchham chiang hle a, VS Fashion Show neih tawh a entu an la tlem ber a ni hial reng bawk.
Victoria Secret in buaina leh dodalna nasa tak an tawh hnu ah 2019 khan Show an Cancel phah ta nge nge a, in enfiah nan leh an kaldan phung te ah ruahmanna thar siam nan an hmang dawn tih an sawi. 2019 Fashion Show Cancel a nih hnu hian engmah Show lian tham an huaihawt leh tawh lo.
Post a Comment