UEFA chuan season liamta Champions League final entu Liverpool fans zawng zawng te chu an ticket man pawisa an pe kir leh vek dawn.

State de France-a thil thleng kha French thuneitute thiam loh a ni a, chhan mumal awm loin Liverpool fan-te chu tear gas-in an kap chiam. UEFA chuan fan-te an inbendaih theih avang mai maia buaina thui zawk thleng lo a nih thu an sawi.

UEFA chuan thuchhuah siamin, Champions League final chhimtu Liverpool fan zawng zawngte pawisa sen an pek kir leh vek tur thu an tarlang.

"May ni 28 2022-a thil thleng chungchangah ticket mana pawisa seng fans zawng zawng te pawisa pek kir a ni dawn a, stadium chhung lut thei ta lo leh lut tlai zawng zawngte pawh pek kir vek an ni ang," tiin thuchhuah chuan a tarlang.

"Thil dik taka kalpui kan duh a, Liverpool FC tantu intelkhawm Spirit of Shankly (SoS) leh Liverpool Disabled Supporters Association (LDSA) pawh kan zah tak zet.

"Fan-te chunga thil thleng duhawm lo tak avang khan refund scheme kan buaipui a. Ticket leitute leh thil thleng duhawm lo tuartu zawng zawng kha pawisa pek kir vek an ni ang,"tiin UEFA general secretary Theodore Theodoridis chuan a sawi bawk a ni.

Nikum Champions league final khelh dawnah khan English supporter-te chu France security lamin an bitum bik niin a lang a. Buaina siam tum ni lem lo pawh an lakah hleilenna lantir a ni bawk. 

Liverpool FC an lungawi lo hle a, Reds Supporter-te pawhin UEFA lakah thu an thlen chhen bawk. Kha thil thleng kha uluk taka chhui niin, thutlukna siam a ni ta a ni

Post a Comment

Powered by Blogger.