Rauthla 08.March,2023 : Nizan dar 7 khan Lalpa Chhiahhlawh Intelkhawm hmalakna in kum 2023 Mizoram Inthlanpui a Pathian Lal Ram Sawrkar tana Thuthlung Bawm zawntu tur Ignite Studio ah mi panga te puangin ṭawngṭai a hlanna hun an hmang. Lalpa Chhiahhlawh tura inpete leh an Bawm hunna tur te chu :-
1. Rev. Dr. Zaichhawna Hlawndo - Hrangturzo
2. Nl. Lalruatfeli Hlawndo - Aizawl North 1
3. Upa K. Lalrimawia - Thorang
4. Upa H. Biaklawma -
5. T Upa ZD. Dengura - Lunglei South
Upa H. Lallawmzuala, Serchhip Presbyterian Upa in hunserh a hmang a, Pi Laltleipuiin Berampaki Lal Isua kan ramah Lal ber tur entirnan a ham a, Tv. C. Lalremruata leh Nl. Rinhlui Tlumang te an zai bawk.
Pathian Lal Ram Sawrkar tana ding tur Lalpa Chhiahhlawh Intelkhawm te puanna leh hlanna hun hi April thla hun remchang hmasa berah neih leh tur a ni dawn a. June thla ral hmain Lalpa Chhiahhlawh Intelkhawm mi 40 te hi puan fel hman an beisei tih thu an sawi.
Rev. Dr. Zaichhawna Hlawndo chuan "Lalpan a pianna ramah missionary tura kir tura a tih chhan ber rorelna siam ṭhat chu a takin a lo din ngei a beisei thu leh Lalpa Chhiahhlawh tura mi inpe ngam an awm chu lawmawm a tih thu a sawi. Nehemia hova Jerusalem kulh chim rem rum din that leh vek a nih angin kan ram leh hnam tlu chhe mek tungding a siam tha turin theihtawp kan chhuah zel dawn a ni a ti bawk.
Post a Comment