March 9, 2023 (Rauthla) : Pu T.J. Lalnuntluanga, Environment, Forest & Climate Change (EF&CC) changtu Minister chuan vawiin khan Sawrkar laipui Environment, Forest & Climate Change Minister Pu Bhupender Yadav chu a Pisa-ah EF&CC Department hnuaia hmasawnna hrang hrang sawipuiin a kawm. Minister hi Mizoram hmasawnna hrang hrang leh a department chan kaltlanga hmalaknate buaipuia New Delhi a cham mek a ni.

Union Forest Minister a hmuhnaah hian Pu T.J. Lalnuntluanga chuan Ministry of Environment, Forest & Climate Change kaltlanga Mizorama hmasawnna hnathawh tur chungchangte a sawipui a. School Nursery Yojona hnuaia School hrang hrang 77 a kalpui tura dilna thlen chungchang te, khawpui (Town) 14 a Nagar Van Yojona kalpui tura a dilna te, District zawng zawnga Greeen India Mission (GIM) kalpui tura ngenna thlen te, Champhai khawpuia Protection Squad leh Satellite Rescue Center din chungchanga a dilna leh Bethlehem Vengthlanga Forest Research Center for Bamboo & Rattan (FRCBR) hmunhma tihchangtlunna tur chungchanga Pu T.J. Lalnuntluanga thu thlente chu Union Forest Minister chuan a lo hmuh tawh thu sawiin, a theih anga hma an lo lak nghal tur thu leh a hlawhtlin theihna tura theihtawp chhuah an inhuam thu a lo hrilh a. Financial Year thara kalpui theih tura ruahmanna siam an tum thu a lo hrilh bawk.

Post a Comment

Powered by Blogger.