LWA ten raltlante nen nternational Women's Day an hmang

Lawngtlai, March 9, 2023 : Lai Women Association Gen. Hqrs; Lawngtlai chuan vawiin khan Lawngtlai College Veng Refugee Camp-a awm raltlante nen International Women's Day an hmang a, Pi. K.R. Chhingpuii, Treasurer AMWF Mizoram, Treasurer Mizoram Chin Refugee Committee ni bawk chu khuallian a ni.

International Women's Day hi nimin kha niin, Myanmar Raltlante nen hunthawl zawkah Day hi hman a remchan zawk vangin vawiin khan hman a ni ta a ni.

Khuallian chuan International Women's Day a lo pian chhuah dan leh Dan in Minu te a humhalh dan te, Mipa ten minu te tan harsatna an siam a rem loh thu leh Dan hnuaia an him thu leh Minu te pawimawhna hrang hrang a sawi a. Pi V. Lalrinkimi President, LWA Gen. Hqrs chuan India danpui hnuaiah Hmeichhiate humhalhna thatak a awm tih sawiin, a bikin Raltlan hmeichhia ten harsatna an tawhin, Lai Women Association hruaitute chu anmahni puiturin an inpeih reng tih a sawi a, LWA Gen Hqrs in Raltlante chhawmdawlnan Mutbu, thawmhnaw leh Bungbel engemawzat an hlan nghal.

Lairam Isua Krista Baptist Kohhran Hmeichhe Pawl a General Secretary Pi Lalduhawmi pawhin thusawiin, Hmeichhia te humhalhna hrang hrang bakah chhungkuain Pathian an hnaihna tur leh Lalpa rawngbawlnaah hmeichhiaten mawhphurhna sangtak an neih thu a sawi.

Vawiina Raltlante nen International Women's Day hmannaah hian dan in hmeichhiate a humhalh dan te, Inchhungkhur leh khawtlanga hmeichhiate mawhphurhna hrang hrang te inhrilhnawnin infuihthar a ni a, huamzau zawkin LWA hruaituten Raltlan hmeichhiate an kawm bawk