March 9, 2023 (Rauthla) : Art & Culture Minister Pu R. Lalzirliana chuan tukin khan Vaphai Lal Muala Market Shed, MG-NREGA sum cheng nuai 11 senga sak hawngin, chawhnu lamah Samthang khua tlawhin Pu Zoramthanga Rûn a hawng bawk. 

P&E Minister ni bawk Pu R. Lalzirliana chuan Vaphai Hmawngpui zaua leilet siamtute power supply pek nan 100 KVA Transformer bun tuma hmalak a nih thu a sawi a. P&E Department kaltlanga Sawrkar hmalakna leh hmachhawp hrang hrangte a tarlang bawk a. Mizoram chhunga leilet zau hrang hrang 26 ah power supply pek hna kalpui mek a nih thu leh, heng bakah hian hmathar la turin zau hrang hrang 51 ah te cheng vaibelchhe 26 senga hmalak tuma ruahmanna siam a nih thu a sawi bawk.

Chawhnu lamah Samthang khua tlawhin CM Pu Zoramthanga Chawimawina Organising Committee, Samthangte bultuma sak Pu Zoramthanga Rûn sak a hawng a; Pu Zoramthanga chanchin ziahna lehkhabu an buatsaih pawh a tlangzarh nghal bawk.

Post a Comment

Powered by Blogger.