North East Film Festival-ah Mizo kut chhuak film pahnih tihchhuah a ni dawn

March 24, 2023 (Rauthla) : North East Film Festival lo awm turah Mizoram atangin film 2 chhuah tura thlan a ni a, chung te chu ' A star is born' 28 minute documentary Pu Napoleon RZ Thanga siam leh 'Eleision' 24 minute short film Raymond Remlalmuana siam te an ni. He film pahnih te hi NFDC campus Mumbai ah tun thla ni 24 atanga ni 26 chhungin chhuah ani ang.

He Film Festival ah hian North East state atangin Documentary film-17, Short film-22 leh feature film-12 mipui en theih turin pholan/chhuah ani dawn a, NFDC Complex (Film Division complex ni thin) hall 4 ah a ruala chhuah ani dawn a, Film screening bakah master class, interactive session, pitching session, traditional dance leh fashion show bakah Bollywood filmstar thenkhat te pawh inlan tura sawm an ni.

He film festival hi National Film Development Corporation (NFDC) bul tum Sikkim Film Board huaihawt (organise) a ni.