Lawngtlai, March 21, 2023 : BCM Biak In Immanuel, New Vengpui atanga GRHSS inkar kawngah zing dar 8:30am - 10:00am inkar chhungin kawng sirah lirthei eng chi mah dah phal a ni lova, Lirthei hmanga Don Bosco School naupang thlah thin te pawhin Tawklinga Point, New Vengpuiah school naupang drop thin tur a ni.

Hemi chungchanga vawiina Pu C. Lalruatkima, Addl. SP, Lawngtlaiin thuchhuah a siamah, School naupang leh mipui veivak kan him tlan nan leh lirthei tlan dan mumal zawk a awm theih nan BCM Biak In Immanuel, New Vengpui atanga GRHSS inkar kawngah zing dar 8:30am - 10:00am inkar chhungin kawng sirah lirthei eng chi mah dah phal a ni lova. Tin, Don Bosco School naupang lirthei hmanga thlah thinte pawhin Tawklinga Point, New Vengpui chu dropping point-ah hmangin Don Bosco School naupangte an drop thin tur a ni.

He thupek hian order tihchhuah atanga thuleh awm hma a huam dawn a, thupek zawm lo te chu section 179, The Motor Vehicles Act, 1988 hmanga hrem theih a ni ang. Thupek hian chhiatrupna thil, kangmei, medical emergency kaihhnawiha duty, dan leh thupek pawimawi bika police leh magistrate duty te chetvelna a huam lovang.

Post a Comment

Powered by Blogger.