Lawngtlai, March 21, 2023 : Pu NC. Muankima General Secretary (Organisation), BJP Lai Autonomous District Hqrs: Lawngtlai chuan BJP North East Co-ordinator Dr. Sambit Patra nen an inhmuh thu sawiin, Dr. Sambit Patra chuan, "Tunah chuan Mizoram hi North East State bikah chuan kan in concentrate na tur a ni tawh a, ADC ten in thil beisei mek pawh hi Home Minister te nen pawh kan sawiho a, a hma thei ang berin tih kan tum a, MLA inthlan hma ngei hian tihfel kan tum a ni" tih thu min hrilh a ni, a ti.
Nimin khan BJP Lai Autonomous District Hqrs: Lawngtlai chuan Devotion & Political Session chu an Party Office ah an nei a, he hunah hian Delhi zin reports ngaihthlak niin, he Program hi Pu MC. Suiawia Vice President in a kaihruai a, Pu K. Hramzama GS in hunserh hmangin, Pathian hnena inhlantharna leh lawmthu sawi tawngtai rualna neih a ni.
He hunah hian Pu NC. Muankima General Secretary (Organisation) chuan Delhi zin reports pein, LMC Co-ordinator aiawha Delhi an zin reports pein, Delhi an cham chhung hian Central Minister hrang hrang an hmu a, tin, BJP National Spokesperson leh North East bialtu ni bawk Dr. Sambit Patra an hmuh thu sawiin, an hnen atang hian thu lawmawm tak vek an dawn thu a sawi. Heng bakah hian National Minority Secretary Pu Delson Notlia chuan Lok Sabha Speaker Shri. Om Birla hmuin, Speaker hian Sixth Schedule Amendment (125th Constitutional Amendment) chungchang chu Cabinet Meeting-ah pawh vawi thum lai sawihona neih tawh a ni a, a hma thei ang berin tih hlawhtlin a ni dawn a ni tiin a lo hrilh bawk. Chuvangin, keini BJP ten tha thlah lova kan buaipui mek chuan rahtha a chhuah dawn hnai ta a, rilru leh thinlung tuaithar ila, hlimna ni lo thleng mai tur hi rinawm takin i nghak chhuak ang u, GS chuan a ti.
Pu F. Rohnuna Ex-CEM, Adviser chuan hmanni session naa Minister Pu R. Lalzirliana'n Lém ang der chungchang a sawi kha Pu Lal Thanhawla kaihhruai Congress Sorkar a sawina niin a lang a. Vawiin ni thlenga Pu Hawla'n engmah a chhanna statement a la siam lo hi a mak hle a ni! Heti a nih chuan, Congress party te hi min bumtute an ni a, keini Laifate tan chuan belh zui zel tlak an ni lo a, tin, awmna atan a him lo bawk tihna a ni, a ti.
Pu Sapliana Vandir Ex-MLA chuan vawiinah chuan keini BJP te chauh hi LADC in thuneihna lian a neih theihna tura beitu awm chhun kan ni a, kan champion pui ngei dawn a ni. Kut kan beng thei thuai dawn e, Party mite phurtakin i awm ang u. Sixth Schedule Amendment chungchanga Delhi tlang vawi khat pawh la rap ve lo ten a hlawhtling dawn lo tia an sawi ve thin hi an ngam huai ve deuh a ni. Lo insum ve deuh tawh rawh se, chuti lo chu a hlawhtlin hunah an hawi hai lutuk palh ang e, a ti a. BJP ten thahnemngai taka kan buaipui mek chuan a vawr tawp a thleng dawn hnai ta a, kawng dang zawh san atan chuan a uihawm lutuk a ni a ti, bawk.
Post a Comment