March 15, 2023 (Rauthla) : Ministry of Road Transport and Higways Minister Pu Nitin Jairam Gadkari chuan vawiina Parliament budget session-ah Rajya Sabha MP Pu K.Vanlalvena zawhna ziaka chhangin, Mizoramah National Higway puan thar pahnih a awm tih a sawi a. Chungte chu Assam rama Jorbat atanga intan Aizawl paltlanga Champhai district Zokhawthara tawp ta NH-6 leh chumi peng pakhat Bairabi to Mamit te; National Highway-502 (A) Lawngtlai to Paletwa kawngpui atanga pêng Zorinpui-Hmawngbu- Lawngmasu te chu National Highway atana puan thar a nih thu a sawi a. Bairabi to Mamit Double lane laih a nih dawn leh dawn loh Pu Vena zawhna chhangin Mizoram PWD ten hemi atan hian DPR an siam mek thu leh DPR zawh a nih hunah hna thawh tan a nih tur thu a tarlang bawk a ni.
Vawiin session vekah hian Union Minister of Health and Family Welfare Pu Dr Bharati Pravin Pawar chuan Zoram Medical College chungchanga Pu Vena zawhna chhangin tun dinhmunah Zoram Medical College (ZMC) chu All India Institute of Medical Science (AIIMS) ah let tura hmalak na a awm rih lo tiin a chhang bawk a ni.
Post a Comment