Lawngtlai, March 6, 2023 : Lai Students’ Association, General Headquarters : Lawngtlai chuan 5th March, 2023 a Buarchep ram, Mizoram leh Assam ramri a duty Hav. J. Lalrohlua, Lawngtlai Chandmary a duty pui Hav. Bimal Kanti Chakma kut tuar a nunna hial a chan ta mai chu hriatthiam harsa an tiin, na an ti hle, tih thuchhuah siamin an tarlang.
LSA chuan he thil thleng chungchangah hian Lawngtlaia Chakma House chu vawiin atanga thu leh awm hma chu hawn an rem ti lo a, Chakma House hi hawn lui a nih a kut tuar an lo awm palh a nih pawhin engmah sawi buai theih a ni lo ang, an ti a. Lawngtlai khawchhungah thu leh awm hma chu Chakma pawn chhuah an khap bawk.
LSA chuan Pu J. Lalrohlua’n a kalsan tak a chhungkua te an tawrhpui tak zet tih sawiin, vawiin Dt.06.03.2023 a IGP Pu. John Neihlaia’n “mitthi chhungte hna pek a ni dawn” a ti chu lawmawm an tih thu an sawi a, hei hi thu mai ni lova a rang thei ang bera tih hlawhtlin LSA chuan a phut tlat bawk a ni, an ti bawk.
Post a Comment