Lawngtlai, March 30, 2023 : Vawiin khan Pu VL. Hmuaka, Chairman LADC kaihhruaina hnuaiah 11th Lai Autonomous District Council Budget Session 2023 neih a ni.
Vawmbuk bialtu MDC Pu T. Zakunga zawhna chhangin Pu V. Zirsanga, CEM LADC chuan kum 2023-2023 financial year chhungin Revised Estimate (RE) cheng nuai 2321 leh sang 2 hmuh a ni a, Salary head-ah cheng nuai 1230 leh sang 2 leh VC salary-ah cheng nuai 4 te a ni, a ti a. CEM chuan heng RE an hmuhte hi an indaih dawn loh thu sawiin, salary head-ah cheng nuai 894,75,000 a indaih dawn lovin, DCRG ah nuai 842,17,000, leave salary-ah nuai 57,39,000 in an indaih dawn loh thu a sawi.
Session tan ni hian Chief Executive Member Pu V. Zirsanga'n kum kal laia sum indaihlohna dil belhna Supplementary Demand for Grant cheng Nuai 2392.90 leh kum 2023-2024 LADC sum hman tur ruahmanna cheng Nuai 21603.22 te House ah a pharh a. Pu C. Rongura EM i/c LAD chuan 'Commission Report on Thaltlang Village Council' chu a pu lut bawk.
Pu VL. Hmuaka, Chairman LADC chuan, vawiin chawhma khan a ti tawp a, Naktuk March 31, 2023 dar 10:30 Am ah chhunzawm leh a ni ang. LADC budget session hi April 5, 2023 thleng neih a ni dawn.
Post a Comment