March 14, 2023 (Rauthla) : Health and Family Welfare Minister Pu Dr R Lalthangliana chuan HIV-in Mizote, a bik takin thalaite a suat nasa tih sawiin, India ramah pawh a percentage-a AIDS vei tamna ram kan nih avangin theihtawp a kan do a pawimawh a ni, a ti.
Health and Family Welfare Minister Pu Dr R Lalthangliana chuan vawiin khan UNAIDS, UNICEF leh stakeholders hrang hrang te kalkhawmna Multi Sectoral Stakeholders Consultation on HIV /AIDS in Mizoram Meeting, Secretariat Conference Hall a neih chu a kaihruaiin, Minister chuan he natna do tur hian Department pakhat hmalakna a thawh zawh rual ani lova, chuvang chuan tan khawm a pawimawh a ni, a ti. Kohhran, NGO leh Department hrang hrang atanga lo kal khawm te chu Covid do lai a thawhhona a awm ang khan he HIV do tur hian theihtawp chhuah ho leh tur in a ngen a ni.
MSACS atang Project Director Dr Lalthlengliani'n report pe in Mizoram ah AIDS vei dan hlawm lian deuh deuh chi hnih a awm a, chungte chu mipat hmeichhiat hman khawlohna leh ruihtheihthil ti mi ten hriau thianghlim lo an in hmantawm atanga kai ani a ti a. AIDS vei tam ber chu kum 25-34 inkar ani a, kum 35-49 in a dawt a ni, a ti. Tunah hian AIDS do na kawnga pawimawh tak NACP5 chu kalpui niiin, a tam thei ang ber a kohhran, NGO leh sawrkar department te thawhpui tum a ni a ti.
He meeting ah hian ram pawn atangin David Bridger, Country Director, UNAIDS, Melissa Nyendak, Program Director CDC, Luigi D Aquino, UNICEF Chief of Health leh an team members te anlo kal a, Mizoram atangin Health Department hruaitute, Concerned Departments hruaitute, MSACS hruaitute leh Kohhran leh NGO hruaitute leh sawm bik mi pawimawh te an tel bawk a ni.
Post a Comment