ZPM THALAI HRUAITUTE'N PAHOSS HMANGA PARKING HOUSE SAK AN EN FIAH
Ni 17.2.2023 khan ZPM Ṭhalai Headquarters hruaitute chuan PAHOSS hmanga Aizawl khawpui hmun hrang hranga parking house sak chu ZPM Thalai Vice President Pu Laltanpuia Zote hovin an tlawh a, parking house satute hian parking house an sa ṭha thawkhat niin ZPM Ṭhalai hruaitute chuan an hria a, lawmawm an tih rualin, PAHOSS hi Aizawl khawpui chhunga traffic jam tihziaawmna tura ruahman nisi, a tam zawkah chuan a sakna hmun leh vengin a zir lo hle niin ZPM Ṭhalai chuan a hria a, sum tam tak hmanna PAHOSS hmanga parking house sak tam zawk hi chuan Aizawl khawpui traffic tawt hi a chhawk zangkhai theih a rinawm loh.
PAHOSS sum dawng, hmang dik tawk lo an awm a hremna mumal siam turin thuneitute kan phut a, chutiang a nih loh chuan PAHOSS hi tute emaw induhsakna leh PAHOSS in a tum ṭhelhin PAHOSS hi in sak ṭanpuina satliahah a chhuak ang tih kan hlau hle a, dan mumal awm lo hnuaiah PAHOSS sum dawng, a nihna tur taka hmang lova la tipuitling lo te hi sawrkar hian ngawih bo pui mai a tum em ni? tih hi kan zawhna a ni.
ZPM Ṭhalai hruaitute'n PAHOSS hmanga parking house sak mek leh sak zawh tawh an fanna ah hian, parking house sak mek, a then chu first installment dawnga a dang dawn chhunzawm ta lem lo an awm nual tih hmuh chhuah a ni a, MNF sawrkâr term tawp dawn thlenga PAHOSS sum la dawng kim lo an awm hi sawifiah turin MNF sawrkâr kan phut a, ruahmanna felfai zawk neia kalpui turin Mizoram sawrkâr kan ngen a ni.
Sd/-
(VANLALRENGPUIA)
Secretary
Publicity Department
ZPM Thalai Headquarters
Post a Comment