Republic Venglai Kawipui bul Welfare Building-a SBI ATM Booth chu Bomb a ni

Aizawl 18.Feb,2023 : Tukin khawvar hma dar 2:50 vel khan misualten rawk tumin  Republic Venglai Kawipui bul Welfare Building-a SBI ATM Booth chu Gelatin ni ngeia hriat hmangin an Bomb a, AMT Booth dahna building hi chhe nual mah se, vanneihthlak takin misualte ruk tum ber pawisa dahna erawh a chhe lo hlauh a ni.

He thil thleng chungchangah hian Aizawl Police Station-ah FIR theh luh a ni a, Aizawl Addl. SP (Crime), Pu PC Laltanpuia kaihhruaina hnuaiah thubuai chhuitu tur member 11 awmna Special Investigation Team din nghal a ni a, anni hian pawikhawihtute man chhuak turin thubuai hi ngawrh takin an chhui zui nghal a ni.

Mizoram Police chuan, he pawikhawihna thlenga mawhphurtute chinchang emaw an mahni chhui chhuah an nih theih nana thu tangkai hrilh thei emaw te chu cheng sing 2 thleng pek an tiam a. Police te hnena Information petute chu thup tlat an ni dawn tih sawiin, mipuite chu Police hmalakna tha taka tawiawm a, pawikhawihtute chhui chhuah an nih theih nan tanpui turin an ngen a ni.