Nilaini zanlai (23.02.2023) khan UEFA Champions League round of 16 first-leg inkhel pahnih a awma, RB Leipzig leh Manchester City te an inhnehtawk bakah, Inter Milan chuan FC Porto an hneh.

Premier League champion Manchester City hi Germany-ah zinin, RB Leipzig chu Red Bull Arena-ah an luhkhunga, team hnih te hian goal khat ve ve thunin an inhnehtawk.

City hian inkhel an thunun hle a, darkar chanve an khelh tlin hma hretin hma an hruai. Xaver Schlager-a ball pass sual chu Jack Grealish-a’n la in, Grealish hian Ilkay Gundogan a pe a, Gundogan hian Riyad Mahrez-a tan a lo kheng zeuh. Box chhung atangin Mahrez hian goal-ah ball a pet lut a, 27mins-ah City hma a hruai pui

Second half-ah Leipzig an rawn insiam tha a, second half a minute sawm an khelhin chance tha tak an nei nghe nghe a, mahse Bejamin Henrichs chuan a chance tha a hlah. Andre Gomes pawhin chance nei leh mahse City goalkeeper Ederson-a’n a lo save sak a, City striker Erling Haaland pawhin second half-ah hian chance tha tak a hlah bawk.

70mins-ah Leipzig in an si phurh an suta, veilam atanga cross ball tha tak lo kal chuan Josko Gvardiol chuan goal-ah lo tauh lutin, 1-1 in inkhel a tawpa, team hnihte hian March thla ni 14 zanlaiah second leg an khel dawn a ni.

Inter Milan chuan San Siro-ah Portuguese club FC Porto an lo mikhuala, Inter hian Belgian striker Romelu Lukaku goal khat hmangin hnehna pawimawh tak an chang.

Goal a lut har a, goal awmchhun hi 86mins-a lut a ni. Second half a dah luh Lukaku chuan Denzel Dumfries-a ball cross chu lo tauhin, si ban a tauh pet zeta, mahse ball rawn per let hi goal-ah pet lut chhunzawmin, Inter chakna goal a thun.

He inkhelah hian goal a luh hma deuh lawkin FC Porto player Otavio chu 78mins-ah hnawhchhuah a ni a, Otavio hian Hakan Calhanoglu titluin, a vawi hnih nana yellow card pek a nih avangin hnawhchhuah a ni. Team hnihte hian March thla ni 14 zanlaiah second leg an khel dawn a ni.


Post a Comment

Powered by Blogger.