Pu Mangjangam Touthang chuan amah thlahna hun buatsaihtu Aizawl Doordarshan Staff Welfare Committee hnenah lawmthu a sawi a, Doordarshan programme hrang hrangte miin an hlut a, hei hi thawktu hrang hrangte thawhhona that vang a nih thu a sawiin, Kan ram chanchin duhawm lo hrang hrang HIV leh thil dangah a tha zawnga mipui zirtir leh fuih kawngah Doordarshan chu mipui hnena thupuang zar thin public broadcaster kan nih anga theihtawp kan chhuah chhunzawm zel a tul a ni, tiin thawktute a fuih.
Mizoram chhungah Doordarshan news chuan Chanchinthar puan chhuah kawngah theihtawp in hma a la thin a, live a news pek chhuah kawngahte hma latu hmasa a nih bakah Guwahati tih lohah hmarchhakah news bulletin vawi thum ni tin puang thei awm chhun niin, rampuma RNU pumpui ah sports magazine tichhuak thei awmchhun a nih theihnate chu news staff-te bakah programme lam leh engineering lam thawhhpuite tawiawmna leh puihbawmna a nih thu a sawi a ni.
Prime Minister-in Maan Ki Baat-ah Chite lui thenfai chungchang a sawi chhuah chu DD news Aizawl-ten bawhzuiin Chite lui hnawmhnawk te Reiek kawng siam na atan hman a nih chu rampum hriatah puangzar a nih thu sawiin, hei bakah hian Mizoram hmel timawitu Tlawmngaihna leh Zo nun zemawi hrang hrangte puanzar kawngah theihthawp chhuah a nih thin thu a sawi bawk a ni.
Pu Mangjangam Touthang, IIS, Director (News) hi kum 2006-ah Dooarshan Kendra, Aizawl-ah a thawk tan a. Kum 2018 ah Delhi DD News leh Delhi AIR News director niin a awm a, kum 2020 atangin Doodarshan Kendra Aizawl-ah news director-in let leh a ni. Pu Mangjangam hi February 28 hian superannuation pension-in a chhuak dawn a ni.
Post a Comment