Aizawl Feb,13.2023 : Vawiin khan Commissioner, Persons with Disabilities leh National Institute for Empowerment of Persons with Multiple Disabilities (NIEPMD), Chennai te tangkawp chuan rualbanlohna chi hrang hrang nei Rualbanlo Quoa-a Sorkar hnaa lutte hi ngaihsaka hma an sawn zel theih nan an pual bikin Training an nei a ni.
PwD quota-a Sorkar hnaa lut tawh zat hi mi 85 vel an ni a, heng rualbanlohna chi hrang hrang nei mitdel, low vision, beng ri hriatna tha lo, ruh leh taksa chet velnaa harsatna neite hian nitin khawsakna atan training an mamawh a, mithiam bikte he huna thusawi tur hian sawm an ni a. Thupui hrang hrang RPwDAct, 2016 Rights and Entitlement of PwD, Personality Development, office-a awmdan mawi, Sorkar laka an mawhphurhnate leh harsatna hrang hrang awm theite hmang hian ni 2 chhung training neih a ni dawn a ni. He training rawn hmanpui tur hian Chennai atangin mi pahnih - Pu Bapina Kumar Raut leh Pu Miranda Don Bosco Tomkinson (blind/mitdel) te an lo kal a ni.
He training-ah hian Hrangbana College (Education) zirlai 11 ten a tul angin rualbanlo (PwD employee) te an buaipui a ni.
Post a Comment