Sterling pawhin Thawhtanni khan Twitter lamah he fight lo awm tur chungchang hi a tarlang a, UFC 288 hi May ni 6 a an neih tur thu a tarlang.
Cejudo (16-2 MMA, 10-2 UFC), UFC flyweight leh bantamweight champion hlui hian kum 2020 May thla khan infiamna hi a chawlhsan tawh a. Mahse, kum hnih a liam hnuah champion lai Sterling (22-3 MMA, 14-3 UFC) hmachhawn turin a lo let leh dawn a ni.
Kum 35 a upa Cejudo hian kum tlem te liamta lamah khan he inelnaah hian lo let leh a tum tawh a, mahse nikum kum 2022 a U.S. Anti-Doping Agency (USADA) testing pool lama a inziah luh thar hnuah chauh a rawn let leh thei. A retire hma chiah hian UFC 249 ah Dominick Cruz chu knockout hmangin a hneh a. Wrestling a Olympic gold medalist lo ni tawh Cejudo hi coaching lamah kal chhunzawmin, a hlawhtling chho hle nghe nghe.
A chak loh ngai miah lohna title fight ah kum 33 a upa Sterling a hmachhawn dawn a, Sterling hian a vawi thum nan a title hi vawnhim a tum dawn. Kum 2021 March thla khan Sterling hian Petr Yan lakah disqualify avangin he kawnghren hi a hreng a, hemi hnu hian Yan nen bawk hian rematch nei lehin Sterling hian hnehna a chang a, chumi hnuah T.J Dillashaw chu a hneh leh bawk a ni.
Post a Comment