Atsu-a ruang hian Sunday liamta khan a khua Accra a thleng a, a kuang hi Ghana sipai ten an zawn a, sipai morgue-a dah a ni.
Kan hriat theuh angin, tun thla ni 6 zingkar khan Turkey leh Syria-ah te na takin lir a nghing a, tunah hian hriat theih chinah mi 50,000 dawnin nunna an chan tawh.
Lir a ngin lai hian, Atsu hi Hatay khuaa a apartment-ah awmin, ni 10 chuang zawn a nih hnuah, kar liamta Inrinni khan an in chim hnuaiah chhar a ni a, kum 31 mi niin a thi.
Accra capital-a Kotoka airpoty-ah Ghana vice-president Mahamudu Bawumia chuan Atsu-a ruang hi a lo hmuak a, Bawumia chuan, “Beiseina a tawp hnu pawhin kan beisei lui tlata, nitin kan tawngtaia, mahse a tawpah erawh nunna nei tawh lova hmuh a lo ni ta a ni,” tiin a sawi.
Atsu hian kum 2012 June thla ni 1 khan, Lesotho lakah Ghana senior team tana a game hmasa ber a khel a, a ram tan hian game 65 khel hmanin, kum 2015 khan Ghana hi Africa Cup of Nations final a thlenpui nghe nghe a ni.
Post a Comment