Sorkar in state chhunga venhimna tichak turin kawng hrang hrangin hma a la - Larsap Hari Babu Kambhampati

Aizawl 07.February,2023 : Larsap Hari Babu Kambhampati chuan Legislative Assembly pariatna session vawi 11-naah thu sawiin sorkar chuan state chhunga venhimna tichak turin kawng hrang hrangin hma a la tih a sawi.

Larsap chuan sorkar hmalakna hrang hrangte sawiin sorkarin scheme hrang hrang a kalpui tur leh kalpui mek chungchangte a sawi bawk a ni.

Mizoram leh Assam ramria Police awmte tan Cheng nuai 327.56 dah a nih thu sawiin, Mizoram police-te chuan ruihhlo leh a kaihhnawih theihtawpin an bei reng a ni tih a sawi a, kum kal ta chhung khan ruihhlo cheng vaibelchhe 829 hu Mizoram police-te chuan an man tih a sawi a ni.

Socio Economic-Development Programme (SEDP) pawh kalpui chhunzawm zel a nih thu leh a thawh khatna chu dawngtu tur 60,000 hnenah pek zawh a nih tawh thu a sawi bawk. March thla hi chuan a thawh khatna sem zawh beisei a ni, a ti.

Covid- 19 hripui vei an awm tawh lo tih sawi bawkin, sorkar laipui hnuaia Ministry of Health & Family Welfare chuan EAP (JICA) hnuaia Mizoram Super Speciality Cancer Hospital and Research Centre, Aizawl dinna tur project chu an ngaihtuah mek tih a sawi a ni.

Mizoram Assembly Budget session hi vawiin atang khan tan niin February 28 thleng neih a ni dawn a, February 13-ah Chief Minister Pu Zoramthanga chuan Kum 2023-2024 atana Mizoram budget a pharh dawn a ni.