Siaha; the 14th February,2023: Vawiin khan Valentine's Day pualin thisen pek runpui buatsaih a ni a. Pu Lalsangliana, Deputy commissioner, Siaha District chuan khuallian niin he programme hi a hmanpui a ni.
He thisen pek runpui hi Government Saiha College-a NSS, Blood Bank leh AVBD Siaha te tangkawp buatsaih niin, programme hi Pu Lalnunkima, President AVBD Siaha chuan a kaihruai a ni.
Khuallian Pu Lalsangliana chuan thu sawiin, kan khawtlang hi hmangaihnain min phuar tlat se la, Nunna chhanna atana hlu tak thisen pek kawngah thalaite hi kan than harh atul takzet a ni.
Tu emaw tana chauh nun hman hi nun hmasial a ni a, nun huapzo, mi dangte tana mal sawmna ni turin thisen kan pek hi atul em em a ni. Ram leh hnam kan hmangaihna lantir nan keimahni ngei kan penchhuah a tul a, vawiinah chuan dam lo, thisen mamawhtute tan kan pen chhuah a ngai a ni, a ti.
He mi hnu hian resource person te hnen atangin Thisen pe tura taksa hrisel neih dan te, Sex leh HIV chungchang leh a inven dan te leh Ruih hlo in taksa a tih chhiat dan leh a inven dan te zir ho a ni.
Hemi hnu hian thisen pek runpui neih a ni a, thisen petute hi mipa 68 leh Hmeichhia 26, an vaiin mi 94 an ni.
Post a Comment