Champhai, the 14th February, 2023: Vawiin khan Khawzawl District Bawrhsap Pu C.C. Lalchhuangkima hovin DC Conference Hall-ah World Consumer Rights Day 2023 lawm dan tur rel a ni.
Bawrhsap Pu C.C. Lalchhuangkima chuan State Consumer Welfare Fund Committee thukhawm thurel bawhzuina kalzelah World Consumer Rights Day 2023 lawm tura hmalak a nih thu a sawi a. World Consumer Rights Day chu March ni 15, 2023 ah hman tum a nih thu sawiin, hlawhtling taka hman a nih theih nan leh mipuite zirtirna zau zawk pek a nih theih nan, mawhphurhna hrang hrang neite theihtawp chhuah turin a chah a ni.
Thukhawm chuan World Consumer Rights Day 2023 chu Bawrhsap hovin DC Conference Hall-ah chawhma dar 11 atanga hman nise, thupui atan thupui awmsa 'Empowering Consumers Through Clean Energy Transitions' chu pawm a ni a. President, Mizoram Consumer Union (MCU), Khawzawl District kaihhruaia hun hman turah hian P&E leh PHE Department atangin resource person beisei niin, District Commission hmalakna leh an thlen chin report tawi pe turin Pu James Lalnithanga, Registrar, District Commission, Khawzawl chu ruat a ni bawk.
Program huapzo tak huaihawt tura ruahmanna siam nise tih a ni a. A zau thei ang bera inzirtirna thehdarh a nih theih dan turte pawh sawiho a ni a. Line Department hrang hrangte mawhphurhna siamfel a ni bawk.
Post a Comment