Aizawl 23.02.2023 : Vawiin khan Mizoram Primary Teachers' Association (MPTA) chuan Synod Conference Centre-ah Councillor meeting vawi 38-na an hmang a. Hetah hian Resolution pathum pass-in ; "Primary School Text Book hi Mizoram leh Hnam mila siam ni rawh se," an ti.
MPTA chuan an resolutionah chuan, "NEP 2020 in ruahmanna a siam ang hian Primary School ah hian Balvatika leh Class V hi Primary school ah hian dah tawh rawh se," tih leh "Headmaster Separate scale, U.G Headmaster Pay Condonation leh Headmaster Groub B Gazzetted Status hi sawrkar-in min tih hlawhtlin sak rawh se," tih chu an pass bawk.
MPTA Councillor meeting hian chawhma lamah an member boraltate sunna hnun an hman bak ah Zirtirtu tha chawimawina dawngtu (State Awardee) P.Lalbiakzuala hnenah chawimawina leh lawmpuina thuziak hlanna hun an hman bakah, kum 2023-2025 chhunga an pawl hruaitu atan heng mite hi an thlangchhuak bawk.
President - R.Zonunmawia
Vice President - Rosangzuala
Gen. Secretary - R.Lalpianthanga
Jt.Secretary - Zaduha
Organising Secretary - J.Lalbiakliana
Info. Secretary - Pc Vanlalthara
Treasurer - Lalhmachhuani Ralte
Fin. Secretary - Rochami.
Post a Comment