Lawngtlai Vengpuia Tribal Girls Hostel-a building hawnna inkhawm hi LADC a Planning & Development Officer Pu V. Vanlianhrin chuan kaihruaiin, CEM Pu V. Zirsanga chuan hmasawnna duhawm tak mai ramin a neih belh chu lawmawm a tih thu sawiin, "hnathawktu ten tha taka an thawh chuan ram rotling hmasawnna a awm thin a ni" a ti a, Sorkar hmalaknate chu mipui nawlpuiin hre vek lo mahse mi tamtakin an tangkaipuiin hmasawnna rahbi an rah phah thin tih sawiin, cheng Nuai 950 senga Building pawimawh tak tak pathum sak te chu mipui lam tan a tangkai hle dawn a ni, a ti.
Lawngtlai Vengpui bialtu MDC leh LADC a Chairman Pu VL. Hmuaka chuan an huamchhunga mi 50 lenna tur, Tribal Girls Hostel a awm chu lawmawm a tih thu sawiin, a enkawl zuina kawngah veng chhung a Tlawmngaipawl leh Village Council te an pawimawh hle dawn tih sawiin, Lawngtlai District chu ziak leh chhiar thiam lo tamna a nihna pawh he Hostel hian engemawchen a tihziaawm theih a beisei thu leh a bikin hnam hnufual zawk ten zirna lam ah hmasawnna bungthar an neih theih nan hmangse a duh thu a sawi.
Building pathum sakna tur hian Ministry of Tribal Affairs atangin Tribal Sub Scheme atangin cheng Nuai 950 hmuh a ni a, LADC enkawlna hnuaiah Contractor, VRS Construction & Consultancy, Aizawl ten sa in, Tribal Girls Hostel hi cheng Nuai 350 senga sak niin, Building dang pahnih hi Nuai 300 ve ve senga sak a ni a, hna hi November 2019 ah tanin, Lawngtlaia Building pahnihte chu 2021 khan zawh fel niin Vawmbuk a mi chu February 2022 khan zawh fel a ni thung.
Building pathum sakna tur hian Ministry of Tribal Affairs atangin Tribal Sub Scheme atangin cheng Nuai 950 hmuh a ni a, LADC enkawlna hnuaiah Contractor, VRS Construction & Consultancy, Aizawl ten sa in, Tribal Girls Hostel hi cheng Nuai 350 senga sak niin, Building dang pahnih hi Nuai 300 ve ve senga sak a ni a, hna hi November 2019 ah tanin, Lawngtlaia Building pahnihte chu 2021 khan zawh fel niin Vawmbuk a mi chu February 2022 khan zawh fel a ni thung.
Post a Comment