February 11, 2023 (Rauthla) : Vawiin khan PC Party Media department training chu Pi Lalrinmawii Fanai, Vice President te in (residence), Chhinga Vengah neih a ni a; He training hi Pu Williama'n a pe a ni.

PC Party media department tihchangtlunna tur leh zau zawka ram rawngbawlna atana ṭangkai taka hman a nih theihna tura he media training hi neih a nih thu Media Chairman Pi Lalrinmawii Fanai chuan a sawi a; "Kan ramah social media hrang hrang hman kan uar a, kan ṭangkaipui viau laiin, dâwt leh thu belhchian dawl lo, mipuite rilru hruaikawi leh hruaichhe thei zâwnga media hman sual chîng mimal, pawl leh Political Party thlengin kan awm hi a pawi a; Dik tak leh awmze nei tak si, mipui tana ṭangkai tur zâwnga social media hman thiam hi PC Party chuan kan duh leh kan tum a ni. Vawiin a kan training bàk pawh hi la chhunzawm zel kan tum a ni" Pi Lalrinmawii chuan a ti bawk. 

Post a Comment

Powered by Blogger.